تقدمت المطربة المصرية شذى بالاعتذار لمواطنها الفنان تامر حسني بسبب هجومها عليه واتهامه بالتخلي عنها، وعدم دعمها مثلما وعدها في بداية مشوارها الفني.
وقالت شذى في منشور كتبته عبر حسابها الشخصي على "إنستغرام": "من غير ما أفكر وأحاول أرتب الكلام، أنت أكتر واحد في العالم عارف حبي ليك قد إيه، وأكتر واحد برضه عارفني وعارف إني على الله حكايتي ودماغي بتسوحني كتير".
واعتذرت له قائلة: "حقك عليا ودايما العتاب بيكون على قد الغلاوة وعلشان غلاوتك كتير هبّت معايا زيادة، ما تزعلش مني وهتفضل صاحب عمري اللي عدينا مع بعض كتير.. الوحش قبل الحلو".
وكانت الفنانة شذى قد هاجمت تامر حسني خلال لقاء تلفزيوني قائلة: "سيرة تامر حسني بتقلبلي مزاجي، مش عشان أنا مبحبوش لأ أنا بحبه جدًا واحنا عشرة سنين، ولكن تامر من وقت وفاة أبويا وأمي ما ظهرش، ولو ظهر بيظهر كضيف شرف، ومش بتكلم على الشغل أنا بتكلم على الإنسانية، أنا مليش حد هنا ومعنديش أخوات وكل عيلتي برا مصر".
وأضافت: "على المستوى الشخصي والمهني تامر ضيف شرف في حياتي، خاصة أني بتعرض لأزمات كتير في السوق وتغير الذوق، ولكن تامر في إيده إنه يصلحلي حاجات كتير وأنا أستأهل ده، لأن الصحاب لازم يكونوا ظهر لبعض، خصوصا لو أنت كنت كويس معاه قبل كده، عشان كده بزعل لما بتيجي سيرة تامر، لأني مكنتش مستنية منه حاجة كنت مستنية يسأل عليا".
