كيف رد تامر حسني على اعتراف محمد سامي بدعمه في مسيرته؟
رد الفنان المصري تامر حسني على اعتراف المخرج محمد سامي بأنه أول من دعمه وأعطاه الفرصة للظهور في بداية مشواره الفني، مشيرا إلى أنه رأى فيه موهبة تستحق الدعم.
وعلق تامر حسني على منشور محمد سامي: "يا سامي يا حبيبي يابن الناس الطيبين، شكرًا من كل قلبي على كل حرف خارج من قلبك كتبته في حقي، خلتني أدمع يا سمسم".
وأضاف تامر حسني: "أولًا أنا صدقت موهبتك من وأنت صغير سنًا لأنك فعلًا موهوب موهبة مش عادية وتاريخ نجاحاتك يشهد بكده، كنت عارف وأنا بقدمك إني بقدم مكسب حقيقي للصناعة، ومن يوم ما سجلت رقمك على تليفوني وهو مكتوب سامي ابني، عشان كان إصراري على تقديمك كان بقلب أب مش صديق من سنك أب مصدق في ابنه وعارف إن الناس مش هيدوله فرصة يطلع عشان سنه صغير".
وتابع: "الحمدلله برحلتك ورحلتي أثبتنا للدنيا إنها مش بالسن لأ!، بالمجهود والتعب والشطارة والمذاكرة وأنت كل الصفات دي كانت فيك وأنا لوحدي اللي عارف، عشان كده صممت إن الدنيا كلها تعرف معايا حجم موهبتك الحقيقي، حتى أعمالي اللي من إخراجك ليها مكانة خاصة في قلوب الناس".
واختتم تامر تعليقه قائلًا: "ولسه إن شاء الله نجاحات جاية مستنيانا مع بعض، ربنا يوفقك يا حبيبي في كل شغلك اللي جاي وتكسر الدنيا، وفي القمة زي عادتك، يا محمد شكرًا تاني على البوست الصادق ده شكرًا يا أصيل يا محترم، ربنا يخلينا دايمًا لبعض ضهر وسند".
يذكر أن المخرج محمد سامي قد كشف في منشور كتبه عبر حسابه على فيسبوك أن الفنان تانر حسني هو أول من دعمه وأعطاه الفرصة لإثبات نفسه من خلال مسلسل "آدم"، مرجعا الفضل في كل ما وصل إليه إلى تامر حسني.
